اسد ملتانی
گذشتہ ماہ نومبر میں جناب اسد ملتانی بھی کراچی میں وفات پاگئے۔مرحوم صاحب فن استاد سُخن تھے۔قدرت کلام کایہ عالم تھا کہ ہر صنف شاعری میں بے تکلف دادسخن دے سکتے تھے۔مگراُن کااصل میدان قومی شاعری تھا۔اس رنگ میں ڈاکٹر اقبال مرحوم کے متبع تھے ۔سرکاری نوکری کی مصروفیتوں کے باعث ان کو اپنے حوصلہ کے مطابق شاعری کازیادہ موقع نہیں ملا۔پھر بھی جتنا کچھ لکھ گئے ہیں صف اوّل کے شعراء میں اُن کانام زندہ رکھنے کے لیے کافی ہے۔طبعاً بڑے مخلص، منکسرالمزاج،مرنج ومرنجان قسم کے آدمی تھے۔الھم اغفرلہ وارحمہ
[دسمبر۱۹۵۹ء]