1676046603252_54338660
Open/Free Access
99
خواجہ عبدالمجید
افسوس ہے پچھلے دنوں ملک کے مشہور نیشنلسٹ خواجہ عبدالمجید صاحب بیرسٹر ایٹ لا کا انتقال ہوگیا۔مرحوم صفِ اوّل کے نیشنلسٹ مسلمان اور قومی کارکن تھے۔ علی گڑھ کے تعلیم یافتہ اوراُس کی تہذیبی روایات کے پورے حامل ہی نہیں بلکہ ترجمان تھے۔برسوں سے مسلم یونیورسٹی کورٹ اوراُس کی اکزیکٹیو کونسل کے بہت بااثر ممبر تھے اوریونیورسٹی کے معاملات میں بڑے جوش وخروش اور سرگرمی سے حصّہ لیتے تھے۔بہت پرانے کانگریسی کارکن تھے اوراس لیے کانگریس کے عمائد اورپنڈت جواہرلال نہرو اورسابق صدر جمہوریہ دونوں خواجہ صاحب کابڑاادب اورلحاظ کرتے تھے مگر حق بات کہنے اورکرنے میں اُنہیں کبھی تامل نہیں ہوتاتھا۔بڑے مخلص،انتہائی وضعدار،شرافت ومروت اوراخلاق ومکارم کا نمونہ تھے، اُن کا دروازہ ہرضرورت مند کے لیے ہروقت کھلارہتا تھا۔ اب ادھربرسوں سے معذور تھے، مگرقومی کاموں میں اس کے باوجود تندہی سے منہمک رہتے تھے۔اب ایسے بزرگ کہاں ملیں گے۔اﷲ تعالیٰ انہیں مغفرت ورحمت کی نعمتوں سے سرفراز فرمائے۔ [جنوری۱۹۶۳ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |