شفیق جونپوری
جناب شفیق جونپوری اُردو زبان کے نامور شاعر تھے اوراُن کاتعلق شعراء کے اُس گروہ سے تھا جوترقی پسند شاعری کے اُس دور طمطراق میں بھی فکروبیان کی پرانی قدروں کوسینہ سے لگاتے رہے، اورصرف یہی نہیں بلکہ اپنے فنی کمال و صنعت گری کے ذریعہ اُن کو مزید جلا بخشی اوران کی عزّت وآبرو قائم رکھی۔ کوئی شبہ نہیں کہ ان حضرات کی وفات ملک و قوم اورعلم وادب کے لیے بڑا حادثہ ہے،لیکن یہ دنیا یوں ہی چل رہی ہے اور چلتی رہے گی ۔ سدارہے نام اﷲ کا!
[جون ۱۹۶۳ء]