خواجہ عبدالحی فاروقی
افسوس ہے پچھلے دنوں لاہور میں خواجہ عبدالحی صاحب فاروقی داعیٔ اجل کو لبیک کہہ کر رہ گزاے عالمِ جاودانی ہوگئے۔مرحوم بلندپایہ عالم، مفسر اور اسلامیات کے فاضل تھے۔تعلیم کی تکمیل دارالعلوم دیوبند میں کی تھی۔عرصۂ دراز تک جامعہ ملیہ اسلامیہ دہلی میں شیخ التفسیر رہے۔تقسیم کے بعد پاکستان منتقل ہوکر اسلامیہ کالج لاہور میں صدر شعبۂ علوم اسلامیہ ہوگئے تھے۔طبعاً کم سخن اور مرنج و مرنجان مگر بڑے خلیق و ملنسار تھے،اﷲ تعالیٰ رحمت وبخشش کی نعمتوں سے نوازے۔ [مارچ ۱۹۶۵ء]