ڈاکٹر عبدالبصیرخان
قاہرہ سے واپسی پردوسری اندوہناک خبر اپنے عزیز دوست ڈاکٹر عبدالبصیر خان کی وفات حسرت آیات کی سُنی جوپہلی خبرسے کم دلدوز نہیں تھی۔ موصوف اپنے مضمون (ZOOLOGY) میں بین الاقوامی شہرت کے مالک تھے۔ مسلم یونیورسٹی علی گڑھ میں اپنے شعبہ کے صدر اور پروفیسر تھے،پراکٹر بھی رہ چکے تھے۔ طبعاً نہایت شریف ،سچّے اور خدا ترس انسان تھے۔ مرنا ہرایک کوہے لیکن اُن کی وفات جن حالات میں ہوئی ہے وہ حددرجہ صبرآزماتھے،اس لیے ہمیں اس میں ذرا شبہ نہیں کہ اُن کی موت صرف موت نہیں بلکہ شہادت ہے۔ اﷲ تعالیٰ انھیں صدیقین وشہداء کامقامِ جلیل عطا فرمائے اور ان کی نوجوان بیوہ اور دو کمسن بچّوں کاحافظ وناصر اور نگہبان ہو،آمین۔ [نومبر ۱۹۶۶ء]