پوتا، مفتی عتیق الرحمن عثمانی
بُرہان اورندوۃ المصنّفین کے احباب کویہ معلوم کرکے صدمہ ہوگا کہ گزشتہ ماہ دسمبر کی ۷؍ تاریخ کومولانا مفتی عتیق الرحمن صاحب عثمانی کااکلوتا پوتا دس برس کی عمر میں تین چاردن کی علالت کے بعد سب کو داغِ مفارقت دے گیا۔بچّہ نہایت ذہین وطباع اورہونہار تھا،تعلیم بھی بہت اعلیٰ پیمانہ پر ہورہی تھی، ایک نہیں کئی کئی گھروں کاچشم وچراغ اور رونقِ خانہ تھا۔ موت برحق ہے لیکن اُس غنچۂ ناشگفتہ کوکیاکہیے جس نے عالمِ آب و گِل میں داخل ہوکر ابھی زندگی کا ارمان کیاہی تھا کہ موت کے دستِ ستم نے اُس کوخوابِ عدم میں پہنچا دیا۔ اناﷲ واناالیہ راجعون۔ اللھم اجعلہ لنا اجراً وذخراً وشافعاً ومشفعاً۔
[جنوری ۱۹۶۷ء]