1676046603252_54338690
Open/Free Access
112
اہلیہ، مولانا محمد انور شاہ الکشمیری
حضرت الاستاذ مولانا محمد انور الکشمیری کے ہزاروں تلامذہ اورارادت مندوں کو جوبرصغیر میں پھیلے ہوئے ہیں، یہ معلوم کرکے بڑاملال ہوگا کہ حضرت موصوف کی اہلیہ جنھیں ہم سب’’اماں جی‘‘کہا کرتے تھے، جون کے آخری ہفتے میں داعی اجل کو لبیک کہہ کر اس خاکدان سے رخصت ہوگئیں۔ اناﷲ وانا الیہ راجعون۔
مرحومہ بڑی خوبیوں اوراعلیٰ صفات وکمال کی خاتون تھیں۔حضرت شاہ صاحب ایسے شوہر کی وفات کے بعد انھوں نے زندگی جس صبرورضا اوراستقلال و توکل کے ساتھ بسر کی ہے وہ انھی کاحصہ تھی۔کئی برس سے کینسر جیسے موذی مرض میں مبتلا تھیں۔سعادت مند اولاد نے بڑے سے بڑے علاج معالجہ میں کوئی کسر اٹھا کے نہیں رکھی لیکن وہ کینسر ہی کیا جس سے مریض جانبر ہوجائے۔اس مرض سے مرحومہ نے جوغیر معمولی تکلیف برداشت کی ہیں وہ یقینا ان کے لیے درجۂ شہادت کی ضامن ہیں۔ اپنی اولاد معنوی کے ساتھ وہی تعلق رکھتی تھیں جو خود حضرت الاستاذ کو تھا۔ان کانفس وجود ہم لوگوں کے لیے سرمایۂ خیروبرکت تھا۔ افسوس اب یہ بھی ختم ہوا۔ اﷲ تعالیٰ کروٹ کروٹ جنت نصیب فرمائے اور صدیقین اورشہداء کامقام عطا ہو۔آمین۔ [جولائی۱۹۶۷ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |