1676046603252_54338700
Open/Free Access
117
مولانا محمد جلیل کیرانوی
افسوس ہے کہ گزشتہ ماہ اگست میں حضرت شیخ الہندؒ کے دومنتسبین،مولانا محمد جلیل کیرانوی استاذ اورمولانا محمد مبارک علی نائب مہتمم دارالعلوم دیوبند واصل بحق ہوکر اس جہانِ فانی کوالوداع کہہ گئے۔اناﷲ وانا الیہ راجعون۔ اوّل الذکر (المتولد۱۳۱۸ھ)نے اگرچہ دورۂ حدیث حضرت الاستاذ مولانا محمد انورشاہ کے عہد میں تمام کیا تھا لیکن درحقیقت پروردہ تھے حضرت شیخ الہند کے گھرانے کے ہی۔ نوبرس کی عمر تھی کہ اُن کے والد حضرت ؒ کے سپردکرگئے تھے۔یہ اس آستانۂ قدس کوایسے چمٹے کہ مرتے دم تک اسے نہ چھوڑا۔اس لیے حضرت شیخ الہند کے خادم خاص اور شریکِ جلوت وخلوت تھے اس بناء پر حضرت شیخ الہند کی مشہور’’ریشمی خطوط‘‘والی تحریک کے جزوکل سے خوب واقف اوراس کے محرمِ اسرار تھے۔اس سلسلہ میں انھوں نے بڑے بڑے مصائب اورشدائد برداشت کئے لیکن تحریک کابھید آشکار نہیں کیا۔حضرت ؒ کی وفات کے بعد ادہر ادہرمدرس رہے۔آخر میں دیوبند آگئے تھے اوردرس کی خدمات انجام دیتے تھے۔
[ستمبر۱۹۶۸ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |