مولانا سید محمود
پچھلے دنوں مدینہ منورہ میں مولانا سید محمود صاحب کابھی انتقال ہوگیا۔ مولانا بڑے عالم اورمتقی وپرہیزگار بزرگ تھے۔شیخ الاسلام مولانا سید حسین احمد مدنی کے بردارِ خورد تھے۔اﷲ تعالیٰ نے علم اورتقویٰ کے ساتھ کاروباری سمجھ بوجھ کے باعث دولت وثروت بھی ایسی وافر عطافرمائی تھی کہ اس حیثیت سے بھی سعودیہ عرب میں ان کی شخصیت ممتاز اورنمایاں تھی، وہ طبعاً نہایت مخیر، فیاض اورکشادہ دست تھے۔ہرکار خیر میں پیش پیش رہتے تھے۔پبلک کے علاوہ حکومت پر بھی ان کا بڑااثرورسوخ تھا۔متعدد تعلیمی وصنعتی ادارے ان کی یادگار ہیں۔ اﷲ تعالیٰ آں مر مرحوم کو جنت الفردوس میں مقام جلیل عطافرمائے۔آمین
[اگست۱۹۷۱ء]