مولانا محمد عاقل
مولانا محمد عاقل الٰہ آباد دارالعلوم دیوبند کے باقاعدہ فارغ التحصیل تھے اوراستعداد بھی اچھی اورپختہ تھی۔ کچھ دنوں کسی مدرسہ میں درس کاکام بھی کیا تھا لیکن طبیعت کااصل رحجان قومی اورملی کاموں کی طرف تھا اس لیے جمعیۃ علماء سے وابستہ ہوگئے ۔ان میں تنظیم کی بڑی اچھی صلاحیت تھی اورخاموش کام کرنے کے عادی تھے۔جمعیۃ کی موجودہ ہیئت وتنظیم سے اختلاف ہواتواس سے الگ ہوکر مجلس مشاورت کے سرگرم کارکن بن گئے اورادھربھی سردبازاری دیکھی تومسلم مجلس میں چلے گئے اوراسی حالت میں چند ماہ بیمار رہ کرداعی اجل کو لبیک کہا۔ اﷲ تعالیٰ ان دونوں خادمان ملت کومغفرت وبخشش کی نعمتوں سے نوازے!
[نومبر۱۹۷۲ء]