مولانا محمد رحمت اﷲ
اسی مہینہ ایک اورحادثہ یہ پیش آیا کہ ہمارے رفیق ادارہ مولوی محمدعبداﷲ صاحب طارق کے والدماجد مولانا محمدرحمت اﷲ صاحب چند روز کی معمولی علالت کے بعد کم وبیش سا ٹھ برس کی عمر میں نظام الدین اولیاء، نئی دہلی میں وفات پاگئے۔ اِنَّالِلّٰہِ وَاِنَّا اِلَیْہِ رَاجِعُوْن۔ دارالعلوم دیوبند کے فارغ التحصیل اور علوم دینیہ میں پختہ استعداد کے مالک تھے۔ درس وتدریس اورتحریر کابھی کبھی کبھی مشغلہ رہا، لیکن اُن کا اصل میدان وعظ وخطابت تھا، اس میں انھوں نے بڑا نام پیدا کیا۔ مدراس اور گجرات ومہاراشٹر کے مسلمانوں کاایک بڑا طبقہ اُن کا گرویدہ تھا۔ نہایت خوش گفتار، عابد و زاہد اور خلیق و ملنسار تھے۔ اﷲ تعالیٰ ان دونوں بزرگوں کوبخشش کی نعمتوں سے نوازے اوراُن کے مدارج بلند فرمائے ۔آمین۔
[جولائی۱۹۷۶ء]