1676046603252_54338782
Open/Free Access
162
مولانا سید اختر حسین
افسوس ہے دارالعلوم دیوبند کے ایک دیرینہ استاذمولانا سید اخترحسین صاحب کا ۸۱ برس کی عمر میں گذشتہ ماہ ذی الحج کی پہلی تاریخ کو نمازفجر کے بعدانتقال ہوگیا۔ اناﷲ واناالیہ راجعون۔ مرحوم حضرت مولانا سید اصغر حسین صاحب کے سب سے بڑے صاحبزادہ تھے، صورۃً وسیرۃً الولد سّرلابیہ کے مصداق تھے۔ نہایت خاموش،بے حد متورع اورمتقی اور اوراد وظائف کے پابند تھے۔حضرت میاں صاحب کی طرح اُن پرعالم جذب طاری رہتا تھا۔کم و بیش ۵۵ برس دارالعلوم کی درسی خدمات انجام دیں۔ سالہا سال سے طبقہ علیا کے مدرس اورناظم تعلیمات بھی تھے، اُن کاوجود مدرسہ کے لیے خیروبرکت کاموجب تھا۔ اُن کااصل نام سید محمد عباس تھا لیکن اپنے عرف سید اخترحسین سے اس درجہ معروف ہوئے کہ کسی کو اُن کااصل نام کاپتہ بھی نہ تھا۔۲۳/رجب۱۳۱۶ھ کوبروز پنجشنبہ بعدعصر پیداہوئے تھے۔اﷲ تعالیٰ مرحوم کو صدیقین وشہدا کے مقام جلیل وعظیم سے نوازے۔آمین [دسمبر۱۹۷۷ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |