1676046603252_54338784
Open/Free Access
162
شفیع الدین نیر
افسوس ہے انھی دنوں میں شفیع الدین نیر صاحب کا بھی۷۳برس کی عمر میں دہلی میں انتقال ہوگیا۔مرحوم اردو زبان کے بچوں کے نامور شاعراورادیب تھے، اس حیثیت سے انھوں نے نثراورنظم میں پچاسوں کتابیں لکھیں جو گھر گھر مقبول ہوئیں۔انھوں نے اپنی زندگی گورنمنٹ کے ماڈل اسکول میں اردو کے ٹیچر کی حیثیت سے شروع کی تھی۔ ڈاکٹر ذاکر حسین جن کو خود بچوں کے ادب سے دلچسپی تھی، اُن کو جب مرحوم کی صلاحیتوں کا علم ہواتوانھیں جامعہ ملیہ اسلامیہ لے آئے اورانھوں نے پوری زندگی یہیں بڑی وضع داری، شرافت اورمروت سے گزار دی۔تقسیم کے بعد اردو پر زوال آیا تومرحوم کی شہرت، مقبولیت اور ہر دلعزیزی بھی متاثر ہوئی جس کااُن کو طبعاً ملال تھا اوروہ اُس کااظہار بھی کرتے تھے۔ بہرحال اُن کی کتابیں بچوں کے ادب کی دنیا میں اُن کے بقائے دوام کی ضامن ہیں۔اخلاق وعادات کے اعتبار سے بڑے سنجیدہ ومتین لیکن دیندار اور خوش مزاج تھے۔اﷲ تعالیٰ مغفرت فرمائے۔ [مارچ۱۹۷۸ء]
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |