ایل۔کے۔گابا
افسوس ہے کہ ایک دن کے فرق سے یعنی۲۴اور۲۵/اکتوبر کوبمبئی میں دو ممتاز شخصیتوں مسٹر ایل۔کے۔گابا اورپروفیسر اصغر علی فیضی کا انتقال بیاسی برس کی عمر میں ہوگیا۔اوّل الذکر اصلاً پنجابی ہندواورلاہور کے نامی گرامی بیرسٹر تھے تقسیم کے بعد ہندوستان آکر بمبئی میں مستقل سکونت اختیارکرلی تھی ادھر ایک مدت سے گمنام تھے، لیکن ایک زمانہ تھاجب انھوں نے اسلام قبول کیااورایک مسلمان خاتون سے شادی کی اورپھراس کے بعداسلام کی حمایت میں نہایت پُرزور مضامین لکھے اور جگہ جگہ تقریریں کیں۔ اُس زمانہ میں اُن کانام بچہ بچہ کی زبان پر تھا۔ انگریزی کے بڑے اچھے انشاپرداز تھے۔اسی زمانہ میں رسوائے زمانہ کتاب مادرہند (Mother India)کاانھوں نے دندان شکن جواب لکھا جس کا بڑا چرچا ہوا، آنحضرت ﷺ پران کی کتاب(Prophet of The Desert) بھی بہت مشہور ہوئی۔ [نومبر۱۹۸۱ء]