پنڈت وجے لکشمی
اسی ماہ میں ایک دوسرا حادثہ ٔ جانکا ہ ملک کوپنڈت وجے لکشمی کابھی پیش آیاہے۔ محترمہ جواہرلال نہرو کی ہمشیرہ تھیں۔لیکن وہ خودبھی بڑی قابلیت کی مالک تھیں۔ صحیح بات کہنے میں وہ کبھی نہیں چوکیں، چاہے اس کے لیے ان کو اپنے خاندانی افراد ہی سے ناراضگی کیوں نہ لینی پڑی ہو۔ایمرجنسی کی مخالفت میں وہ اپنی بھتیجی شریمتی اندرا گاندھی کے خلاف میدان میں کودپڑیں۔
وہ بڑی بہادر خاتون تھیں اورایک اچھی مقرر بھی تھیں۔ بھارت کی نمائندگی کرتے ہوئے انہوں نے غیر ملکوں میں بھی اپنی قابلیت کالوہا منواتے ہوئے اپنے ملک کانام روشن کیا۔یو۔این۔ او میں ان کی صلاحیتوں کابرملا اعتراف واظہار کیاگیا۔ان کے انتقال سے ہندوستان نے اپنی ایک بڑی محسنہ کوکھودیا ہے۔ان کی کمی کوہمیشہ ہی محسوس کیاجائے گا۔ہندوستان کی سیاست میں___ایسا ہماراایقین ہے۔ [دسمبر ۱۹۹۰ء]