حکیم الیاس کٹھوری
حکیم الیاس کٹھوری مقیم میرٹھ پچھلے دنوں اچانک انتقال فرماگئے۔ مرحوم بڑے حاذق و فائق طبیب تھے۔مزاحیہ انداز میں اپنے چاہنے والوں کو ہمیشہ خوش رکھا کرتے تھے۔قاری محمدطیب اورحضرت مفتی عتیق الرحمن عثمانیؒ کے خاص شیدائی و معتقد تھے۔عالموں سے انھیں زیادہ ہی محبت تھی خلوص کے ساتھ ہمہ وقت ان کی خدمت میں جٹے رہتے ۔نیکی وشرافت کی تصویر تھے۔
ادارہ ندوۃ المصنفین دہلی کے خصوصی نمبر ’’مفکرملّت ‘‘ میں بھی حکیم الیاس صاحبؒ نے مفتی عتیق الرحمن عثمانی ؒ کے سلسلے میں بڑا ہی پراز معلوماتی مضمون برائے اشاعت ارسال فرمایاتھا ۔
ادارہ ندوۃ المصنفین دہلی حامد الانصاری غازی ،حکیم عبدالقوی دریابادی اورحکیم الیاس کٹھوری کے انتقال پرملال پراپنے گہرے رنج وغم کااظہار کرتا ہے اور اﷲ تعالیٰ سے دعاہے کہ تمام متعلقین کوان کی وفات کے صدمہ کوبرداشت کرنے کی توفیق عطا فرمائے ۔آمین۔ [نومبر ۱۹۹۲ء]