آہ !مقیم الدین فاروقی
ماہ ستمبر ۱۹۹۷ء میں کمیونسٹ پارٹی آف انڈیا کے سکر یٹری جناب مقیم الدین فاروقی دل کا دورہ پڑنے سے انتقال کر گئے۔انا ﷲ وانا الیہ راجعون۔
مرحوم فاروقی بڑے ہی ملنسار اور ہمدرد ِقوم انسان تھے۔مفکرِ ملّت حضرت مفتی عتیق الرحمن عثمانیؒ کے زبردست معتقد تھے ان کے پرستار تھے۔یہی وجہ ہے کہ کمیونسٹ پارٹی میں رہنے کے باوجود انہوں نے کسی بھی مذہب اسلام مغائر حرکت کو نہیں ہونے دیا۔ مسلم پرسنل لاء کے معاملے میں ان کے خیالات اپنی پارٹی سے بالکل مختلف تھے اوروہ اس معاملے میں اس آل انڈیا مسلم پرسنل لاء بورڈ کے موئد تھے جس کے سربراہوں میں حضرت مولانا عبدالماجد دریاآبادی، مفکر ملّت حضرت مفتی عتیق الرحمن عثمانی ؒ،حضرت مولانا سعید احمد اکبرآبادی، حضرت مولانا امیر شریعت منت اﷲ رحمانی ؒ جیسے اکابرین کانام گرامی رہا ہے۔ اورجس کے موجودہ کرتا دھرتا حضرت مولانا سیدابوالحسن علی ندویؔ دامت برکاتہم کااسم مبارک نمایاں ہے۔ایم فاروقی بیشک کامریڈ تھے لیکن اندرسے وہ پکّے مسلمان تھے۔ان کادل و دماغ اسلامی تعلیمات سے منور وسرشار تھا ۔غریب پرور اوررحم دل تھے دوسروں کے کام آناان کااصل مقصد تھا۔
اﷲ تعالیٰ سے دعا ہے کہ مرحوم کی لغزشوں کودرگذر فرما کران کے ساتھ رحم وکرم کامعاملہ فرما ئے اوران کی مغفرت فرما کرمقامِ رحمت میں جگہ عطا فرمائے۔ اٰمین ثم اٰمین۔ [م۔س۔ب، ستمبر ۱۹۹۷ء]