زندہ ہے بھٹو

                                                                                                                رضا زیدی

سیدھی بات ہے جو موت کو ،امیر المومنین علی ؑ کی سنت پر دلیری سے عمل پیرا ہوتے ہوئے ۔کامیابی سمجھ کر گلے سے لگائے وہ بھٹو بن جا تا ہے ۔اس کی زندگی کا مذاق اڑانے یا جلنے والے جلتے جلتے مر جاتے ہیں ۔مٹ جاتے ہیں اور بھٹو گردشِ لیل و نہارکے ساتھ ساتھ اپنی زندگی ،اپنے وجود اور اپنی خوشبو محسوس کراتا رہتا ہے ۔۔۔۔زندہ ہے بھٹو جلنے والے دفع دور رہیں ۔

جب تک سورج رہے گا

بھٹو تیرا نام رہے گا

یہ شخص ایک شکست خوردہ ملک کا سربراہ تھا ۔سامنے والی خاتون فاتح تھی اور اس کی قید میں اس شخص کی نوے ہزار سپاہ تھی اور اس کی زمین کا خاطر خواہ حصہ اس خاتون کے قبضے میں تھا ۔پھر بھی اس شخص کے چہرے پر اعتماد اطمینان اور اس کی بدن بولی دیکھیے ۔ایک شکست خوردہ ملک کا صدر مذکرات کی میز پر وہ سب کچھ جیت گیا جو ہم ممیدانِ جنگ میں ہار چکے تھے ۔