بھٹو کا ایٹمی پروگرام اور ھینری کیسنجر کی دھمکی

اگست1976ء میں امیریکن وزیر خارجہ ڈاکٹر ھینری کیسنجر بھٹو صاحب کو ایٹمی پروگرام ختم کرانے کے لیے پاکستان آئے اور بھٹو صاحب کو بہت سمجھایا کہ ایٹمی پروگرام سے دست بردار ہو جائو ورنہ نقصان میں جائو گے جس پر بھٹو صاحب نے کیسنجر سے کہا سکندر یو نانی جسے آپ الیگزینڈر دی گریٹ کہتے ہیں وہ دنیا فتح کر نے نکلا تھا لیکن جب وہ سر زمین سندھ میں داخل ہوا تو یہاں کے مکینوں نے اسے کامیاب نہیں ہو نے د یا ۔آخر کار وہ بیمار ہوا اور مایوس ہو کر لو ٹ گیا ۔

ذواالفقار علی بھٹو کی پھانسی کا فیصلہ تو دس اگست 1976ء کو ہی کر لیا گیا تھا ۔جب امریکی وزیر خارجہ ڈاکٹر ہینری کسنجر اپنی بیوی کے ساتھ پاکستان آ یا تھا جس کے اعزاز میں اس وقت کے پنجاب کے گورنر نواب صادق قریشی نے شاہی قلعہ لاہور میں تیس مخصوص آدمیوں پر مشتمل دعوت کا اہتمام کیا تھا ۔فریدہ خانم غزل گوئی میں مشغول تھیں کہ کیسنجر نے بھٹو صاحب کو بولا ۔

"Mr,Bhutto,we will run rail road engie over you"

جس پر بھٹو صاحب نے قہقہہ لگا کر جواب دیا ۔

"When the time will come,we wil see to that also"

وہ رات بھٹو صاحب کے لیے اہم تھی ۔محفل کے ختم ہونے کے بعد ڈنر سے پہلے بھٹو صاحب نے تقریب سے خطاب کیا ۔