مظلوم بہن کی فریاد

’’اگر مجھے پتہ ہوتا میری حکومت گرانے کے لیے میرے بھائی کو قتل کیا جائے گا ۔تو میں کبھی بھی پرائم منسٹر ہائوس کے لیے نہ لڑتی ۔‘‘

یہ کوئی سیاسی بیان نہیں ایک مظلوم بہن کی اپنے بھائی کے قتل پہ فریاد ہے ۔کنیزِ کر بلا کا یزیدیت کے خلاف مقدمہ ہے ۔مظلومیت کا نوحہ ہے ۔بھٹو خاندان پہ ہو نے والے مظالم ہمار ی تاریخ پہ بد نما داغ ہیں اور اس سے بھی بڑی بے ضمیری یہ ہے کہ قاتل انہیں قتل کرنے کے بعد قتل کا الزام بھی انہی پہ لگاتے رہے ۔

وہ دریا دیس سمندر تھی

جو تیرے میرے اندر تھی

وہ سوہنی مٹی سندھڑی کی

وہ لڑکی لال قلندر تھی

یادگارِ کار ساز

ہماری خاک سے خوشبو وطن کی آئے گی

ہمارا خون اس مٹی کے رنگ میں شامل ہے