مرے خدا ! مری شاخِ سخن میں نم رکھنا
مرے حروف کے غنچوں کو تازہ دم رکھنا

اِرادہ نعت کے لکھنے کا ہے مرے مولا!
حضورِ شاہِ عربؐ کچھ مرا بھرم رکھنا

سخن کے دشت میں نکلا ہوں پُھول چُننے کو
سو میرے دستِ ہنر پر بہت کرم رکھنا

گھرا ہوا ہوں مصائب کے گُھپ اندھیرے میں
نبیؐ کے صدقے میں مولا! بہت کرم رکھنا

شفاعتوں کا ہو جب سلسلہ قیامت میں
مجھے بھی زیرِ نگاہِ شہِ اُممؐ رکھنا

کبھی کبھی تو مری حاضری کی صورت ہو
مرے سفر میں خدایا! رہِ حرم رکھنا

یہ شہرِنعت ہے اس میں ادب تو لازم ہے
نہیں ہے کھیل تماشا یہاں قدم رکھنا