کاش احکام حضورؐ آپؐ کے صادر ہوتے
اشک آنکھوں میں لیے ہم بھی تو حاضر ہوتے

گنبدِ خضرا کو آنکھوں میں بسائے ہم بھی
راہِ طیبہ کے جنوں خیز مسافر ہوتے

تشنگی رُوح و دل و چشم کی بجھتی رہتی
بس مضافاتِ مدینہ کے مناظر ہوتے

ہم پہنچ جاتے مدینے کی فضا میں اکثر
خوش نصیب اتنے کہاں ہم تھے کہ طائر ہوتے

آپؐ اُن کو بھی تو سینے سے لگا لیتے تھے
آپؐ کے سامنے آنے سے جو قاصر ہوتے

اپنا ہر شعر کسی نعت میں ڈھلتا عابدؔ
کاش اِ س پائے کے ، اِس شان کے شاعر ہوتے