مدینے سے شاید پیام آگیا ہے
کہ لب پر درود و سلام آگیا ہے

مہکنے لگا ہے یہ ماحول سارا
کہ لب پر محمدؐ کا نام آگیا ہے

نگاہوں سے سجدے اُبلنے لگے ہیں
کہ اب شہرِ خیرالانامؐ آگیا ہے

حضورؐ اب نگاہِ کرم اپنی کر دیں
غلام آگیا ہے ، غلام آگیا ہے

ہوا پر قدم ہیں کہ صحن ِ حرم ہے
عجب ایک لطفِ خرام آگیا ہے

جہاں صرف سجدے نہیں سر لُٹیں گے
رہِ عشق میں وُہ مقام آگیا ہے

مرے لفظ اب نعت میں ڈھل رہے ہیں
سو رنگِ سخن میں دوام آگیا ہے

عطا ہوں گے حمدو ثنا کے ترانے
کہ عابدؔ یہ ماہِ صیام آگیا ہے