تمام انسانیت کے محسنؐ ، سلام اُنؐ پر درود اُنؐ پر
سماں ہو راتوں کا یا کہ ہو دن، سلام اُن ؐ پر درود اُن ؐ پر

یہ بوندا باندی جو ہو رہی ہے ، ہمارے اشکوں کو دھو رہی ہے
اُنہی کی رحمت کی ہے یہ کِن مِن، سلام اُنؐ پر درود اُنؐ پر

پہنچ رہی ہے حضورؐ ڈالی ، سلام والی ، درود والی
نہیں ہے شک اِ س میں کوئی ممکن ، سلام اُن ؐ پر درود اُن ؐ پر

جو اُن ؐ کی رحمت کی حد نہیں ہے ، تمیزِ نیک اور بد نہیں ہے
تو لوگ کیوں بھیجتے ہیں گِن گِن ، سلام اُن ؐ پر درود اُن ؐ پر

کوئی حسد سے جو جل رہا ہے ، زباں سے آتش اُگل رہا ہے
ہمارا اُس کو جواب لیکن، سلام اُنؐ پر درود اُنؐ پر

درود حالِ نبی ؐ پہ بھیجو ، سلام آلِ نبی ؐ پہ بھیجو
کبیر سن ہوں کہ یاہوں کم سن ، سلام اُن ؐ پر دروراُن ؐ پر

ہزار اپنی ریاضتیں ہوں ، ہزار عابدؔ عبادتیں ہوں
ہمارا کوئی نہیں ہے اُن ؐ بِن، سلام اُن ؐ پر درود اُن ؐ پر