نعت
کب سلیقہ ہے کہوں لفظ جو ہوں اُنؐ کی مثال
اُنؐ کے ہی ذکر نے بخشے ہیں مجھے عمدہ خیال

اُنؐ کے ہی دامنِ دولت سے ملا ہے سب کو
اُنؐ کے ہونے سے زمانے ہوئے شاداں و نہال

اُنؐ کی سیرت سے ہے تہذیب کی تہذیب ہوئی
اُنؐ کی صورت سے جہاں بھر نے یہ پایا ہے جمال

منتظر مسجدِ اقصیٰ میں نبی تھے سارے
دیکھنے کے لیے سرکارؐ کی رحمت کا کمال

میں گدائے شہِؐ بطحا ہوں یہ قسمت میری
اُنؐ کی نسبت سے ہی پایا ہے فضا نے یہ کمال