نعت

مجھ پر نزولِ رحمتِ شاہِ امم ہوا
جب سے عطا مدینہ کے شہؐ کا علم ہوا

بزمِ سخن کی ابتدا ذکرِ حبیبؐ سے
صد شکر مجھ پہ شاہ کا کیسا کرم ہوا

طیبہ کی آب و گِل سے میں تاوقت دور ہوں
اے کاتبِ نصیب! یہ کیسا ستم ہوا

مجھ خانماں خراب سے جو نعت ہو گئی
مجھ کو لگا کہ دوسرا میرا جنم ہوا

تیری بلائیں لیتے ہیں تا آدم و مسیح
تیری ہی نسلِ پاک کا جاری علم ہوا

آخر میں اذن پا کے جنابِ رسولؐ سے
کہتی ہے یہ فضاؔ کہ مبارک قلم ہوا