استغاثہ
بحضور سرورِ کائناتؐ

جہل و ظلمت ہیں گھیرے ہمیں چار سو
ہم کو درکار ہے روشنی یانبیؐ

حشر میں اک سماں ہو گا دیکھیں گے جب
چہرۂ مصطفیٰؐ اُمتی یانبیؐ

نور ہی نور ہیں احمدؐ و فاطمہؑ
ہوں حسینؑ و حسنؑ کہ علیؑ یانبیؐ

ہو نگہ اک، بھنور میں ہے امت گھری
ہم کو گھیرے ہے اب تیرگی یانبیؐ

آپ کی رحمتوں میں زمین و زمن
آپ ہی سے ملی زندگی یانبیؐ

حق ہوا جلوہ گر آپ کی ذات میں
حق کی ہیں آپؐ ہی روشنی یانبیؐ

مجھ فضاؔ کے لیے ہے یہ سامانِ حشر
نعت میں نے جو یہ ہے لکھی یانبیؐ