حسن نگر کے سارے پنچھی مر جائیں گے
عکس تمھارے حشر بپا سا کر جائیں گے

ہجر وصال کے جھگڑوں سے ہم دور بہت ہیں
رقص جنوں کی رسم تو پوری کر جائیں گے

تجھ پر مرنے والوں کی تو بات ہی کیا ہے
مرتے مرتے آخر اک دن مر جائیں گے

تیری تان پہ جھومیں گے یہ سب دیوانے
اور نچھاور اپنا سب کچھ کر جائیں گے

قیس میاں کے قصے بھی ہم جانتے ہیں سب
تم سمجھے ہم عشق میں شاید ڈر جائیں گے

پاگل لڑکی شعر جنوں کا قصہ ہے سن!
کون سنے گا جب کردار مکر جائیں گے