جاتے ہوئے جانِ جاں تصویر دکھا جانا
گر دل نہ ملے پھر بھی تم آنکھ ملا جانا

ہے چاند بہت نازاں تجھ حسن کے جادو پر
جب چاندنی رات آئے چھب اپنی دکھا جانا

خوشبو ہو کہ چندا ہو، گل ہو کہ عوارض ہوں
تم سے ہی سبھی نے ہے جینے کا مزا جانا

تم حسن معطر ہو، میں دیکھنے جب آئوں
مجھ کو تو مرے ہم دم، پروانہ بنا جانا

اس جہل کی شب میں اب تم پر بھی یہ لازم ہے
کچھ آس کی شمعیں تم شعروں سے جلا جانا

آئو نہ فضاؔ اب ہم یوں تھام لیں خواب اپنے
میں شب کو بلاتا ہوں چندا سی تم آ جانا