کہتے ہیں اس جہاں کے یہ قصے حقیر ہیں
جاناں تمھارے خواب بھی کتنے شریر ہیں

ہم آسمانِ زیست کے تابندہ لوگ تھے
ہم تیرے در پہ آ کے بنے جو فقیر ہیں

مصرع کمر ہے، شعر سی تصویر ہے تری
تجھ خوبرو کو دیکھنے آئے جو میرؔ ہیں

تیری رضا پہ ہے سرِ تسلیم خم مرا
تجھ زلف کے اے شوخ پرانے اسیر ہیں

گل ہو، گہر ہو، لعل ہو یا پورا چاند ہو
جاناں تمھارے حسن کے آگے حقیر ہیں

بزمِ فضاؔ میں ناز کا کیا کام گل بدن
یاں آئے بادشاہ بھی بن کر فقیر ہیں