یک طرفہ محبت کا قصہ جو لکھا ہوتا
دیوانہ ہے، چھوڑو نا! بس تم نے کہا ہوتا

تم یاد کرو بیٹھے اب قیس میاں ہی کو
میں ایک صدا کرتی دشت آن کھڑا ہوتا

پتھرائی ہوئی آنکھیں رستہ ہوئی جاتی ہیں
اک بار پلٹ آتے، وعدہ تو وفا ہوتا

بے مول ہوا ہے اب، انمول کبھی تھا یہ
دل ہم کو دیا ہوتا، احسان کیا ہوتا

قاصر تھی زباں تیری جاتے ہوئے کہنے سے
آنکھوں سے کہا ہوتا، اس دل نے سنا ہوتا

اک اور غزل کہہ دوں حسرتؔ کی زمیں ہے خوب
احوال سنانے کو جو تم نے کہا ہوتا

پھر درد دوا ہوتا اور چاند نگر مسکن
پہلو میں فضاؔ کے گر وہ شخص کھڑا ہوتا