صادق جب لکھنے بیٹھا ہے
حمد سے ہی آغاز کیا ہے

ساری تعریفیں اُس کی ہیں
پہلے اُس کا نام لیا ہے

روزی روٹی اُس کے ذمے
بن مانگے سب کو دیتا ہے

کیڑے پالے پتھر اندر
بھوکا کوئی نہیں سوتا ہے

ہندو مسلم فرق نہیں ہے
ہر کوئی نعمت کھاتا ہے

اک ہم ہیں نا شکرے بندے
اور وہ کرم کیے جاتا ہے

اُس کے موسم اُس کی بارش
وہ جب چاہے برساتا ہے

اُس کی فصلیں اُس کی کھیتی
دانے سے خوشا بنتا ہے

صادقؔ کیا تعریف لکھے گا
بس فعلن فعلن کرتا ہے