وہ مجھ سے بے زار بڑا ہے
دل ہے کہ اُس سے خوش رہتا ہے

ساتھ نہیں ہے دُور کھڑا ہے
ننگے پائوں کانچ چُبھا ہے

میرا قصور تو بس اتنا ہے
میں نے تجھ سے پیار کیا ہے

دل کیا جانے بھولا بھالا
رشتوں میں جو زہر گُھلا ہے

اَفلاطون کہے شاعر پر
حُسن کی دیوی کا پہرا ہے

میں شاعر وہ حُسن کی دیوی
اَفلاطون بھی سچ کہتا ہے

پیار اگر یَک طَرفہ ہو تو
پَل پَل کا جینا مَرنا ہے

سنا ہے مدہوشی میں شب بھر
اُس نے میرا نام لیا ہے

وہ تجھ کو کیوں یاد کرے گا
صادقؔ وہ مصروف بڑا ہے