خُود کو دیکھ رہا ہوں کیا ہے
وہ کیوں مجھ کو چھُوڑ گیا ہے

پھر دل غم سے نڈھال ہوا ہے
ہجر تعلق ، ٹوٹ چکا ہے

یاروں سے کیا شِکوہ کرنا
بس یوں ہی دل بھر آیا ہے

اِس دل کی نگری کا راجا
پتھّر ہے یا پتھّر کا ہے

اَب بُلبُل کو شب ہو جائے
کب کوئی جُگنو آتا ہے

کلی جو کھل کر پھول بنی تھی
پھول کسی نے توڑ لیا ہے

سارے پتّے زرد ہوئے ہیں
پیڑ کو کیا غم ہو سکتا ہے!

لوگ پوچھتے ہیں کیا غم ہے
رنگ ترا بھی ناصرؔ سا ہے

ساری دنیا پاس ہے صادقؔ
تو پھر بھی کتنا تنہا ہے