کتنا تَنہا تَنہا سا ہے
دل کی بات نہیں کہتا ہے

یہ کیسی اُس کی عادت ہے
وہ تَنہا سب کچھ سہتا ہے

یاد مُجھے جب تیری آئے
دل ٹھنڈی آہیں بھَرتا ہے

رُوٹھ نہ جائے یار ہَمارا
ہوا چلے تو ، دل ڈرتا ہے

یہ خالی باتیں ہوتی ہیں
کون کسی بن اب مرتا ہے

اِک دن مجھ سے کہا تھا اُس نے
تُو مجھ کو اچھّا لگتا ہے

اِک دن میں نے خواب میں دیکھا
اُس نے مجھ کو مار دیا ہے

اب میں گھر لے آیا ہوں جو
میرؔ اُداسی چھوڑ گیا ہے

لوگ ندیم ندیم کہے ہیں
کون ندیم یہاں بنتا ہے