اب دل تنہا خوش رہتا ہے
میں نے خود کو بدل لیا ہے

وصل ، فراق ، اداسی سب کو
میں نے آنکھوں سے دیکھا ہے

پیار ترے کو سمجھ نہ پایا
پیار سراسر اک دھوکا ہے

دل کا کھونا ، آنکھ کا رونا
عشق میں ایسا تو ہوتا ہے؟

عشق برا ہو تیرا تُو نے
مجھ کو تو بس مار دیا ہے

مایوسی بھی کفر ہے لیکن
غیرِ خدا سے آس بھی کیا ہے

تم کیوں میرے ہو نہیں جاتے
دل تم کو ہی مانگ رہا ہے

ساری غزلیں درد بھری ہیں
درد کہاں سے تُو لایا ہے

نام خُدا کا سو جا صادق
کس نے تجھے جگا رکھا ہے