اِس میں تیرا قصور بھی کیا ہے
مجھ کو تجھ سے پیار ہُوا ہے

خود ہی اپنا بُرا کیا ہے
تجھ کو کب الزام دیا ہے

تجھ کو کوئی افسوس نہیں کیا
میں نے خود کو مار لیا ہے

چاند کو جب بھی دیکھتا ہوں میں
دھیان میں پھر تُو آجاتا ہے

تیور تیرے بدلے بدلے
جانے تُو کیا سوچ رہا ہے

موم کی مورت ، چاند سی صورت
جانے دل کیوں پتھر سا ہے

تیری مجبوری سمجھی ہے
شکوہ تجھ سے کس نے کیا ہے

تیری ساری باتیں سچی
میں نے ہی سب جھوٹ کہا ہے

ہجر کا درد اُٹھا کر کوئی
گور کنارے اب پہنچا ہے