دیکھو کب سے گم بیٹھا ہے
جانے کس کو سوچ رہا ہے

جانے تیرے دل میں کیا ہے
مجھ کو سمجھ نہیں آتا ہے

میں تو مدّت سے تنہا ہوں
حیرت سے کیوں دیکھ رہا ہے

دل میں سارا کرب چھپا کر
اک کورا کاغذ بھیجا ہے

پیار ، محبت کرنے والا
کورا کاغذ پڑھ سکتا ہے

دل اجڑا سا اسٹیشن ہے
اور اک شخص وہاں اترا ہے

جب تُو پہلی بار ملا تھا
تب سے تُو دل میں رہتا ہے

ساہی وال کو جاتے رستے
تُو کتنا اچھا لگتا ہے

ساہی وال محبت میری
یہ میرے دل میں بستا ہے