کیوں کر مجھ کو درد دیا ہے
آخر میرا قصور بھی کیا ہے

جانے اُس کے دل میں کیا ہے
وہ بالکل خاموش کھڑا ہے

تیری یادیں ، تیری باتیں
اور اس دل میں کیا رکھا ہے

سب دعوے میرے جھوٹے ہیں
تیرا پیار بھی سب جھوٹا ہے

چاروں سمت اندھیارے رکھ کر
وہ سورج کیا سوچ رہا ہے

اپنے دل کی ہر دھڑکن میں
تجھ کو مَیں نے یاد کیا ہے

اُس بھولی بھالی صورت نے
میرا دل تو لوٹ لیا ہے

اشکوں کی برسات میں اکثر
دل کا کمرا گر پڑتا ہے

ناصر کی ’’پہلی بارش‘‘ میں
صادق پورا بھیگ چکا ہے