میں نے بس تجھ کو چاہا ہے
کون سا ایسا جرم کیا ہے

لوگ مجھے کیوں دیکھ رہے ہیں
مجھ سے کیا کچھ غلط ہوا ہے

تجھ کو جس کی خبر نہیں ہے
تیری یاد میں سوکھ چکا ہے

اُس سے اتنی نفرت کیوں ہے
وہ تو تیرا دوست رہا ہے

تیری جدائی سہوں مَیں کیسے؟
تُو کیوں مجھ سے دور گیا ہے

آج کی رات نہ سو پائوں گا
گلی میں تجھ کو دیکھ لیا ہے

تیری گلی میں جاتا کیوں ہوں
ہوش کہاں مجھ کو رہتا ہے

کوئی تو بات ہے دل میں تیرے
میں نے یہ محسوس کیا ہے

رات بنی ہے سونے کو جی
جانے تُو کیوں جاگ رہا ہے