آج بھی دل میں دردُ اٹھا ہے
کیا پھر کسی نے یاد کیا ہے

اب کیوں اُس کو یاد کیا ہے
وہ تُو کب کا چھوڑ گیا ہے

مجھ کو کیوں برباد کیا ہے
کیا تجھ کو اچھا لگتا ہے!

تجھ بن دل اُجڑا اُجڑا ہے
اور تُو سب کچھ دیکھ رہا ہے

رات کے تین بجے ہیں اور تم
اب تک جاگ رہے ہو کیا ہے

گزری باتیں گزر چکی ہیں
تُو اب کس کو یاد رہا ہے

عشق ، محبت پاگل پن ہے
کیوں یہ روگ لگا رکھا ہے

کیا تُو اُس کو بھول سکے گا
اب جو تجھ کو بھول چکا ہے

اُس نے کہا تھا وہ تیرا ہے!
خود سے تُو نے سوچ لیا ہے