ناسٹیلجیا

جگنو دیکھے مدت گزری
جگنو ڈھونڈ کہیں سے لائو
بلبل رستہ بھول گئی ہے
جگنو ڈھونڈ کہیں سے لائو

تتلی نے بھی بستی چھوڑی
رنگوں کو ہیں آنکھیں ترسی

تتلی ڈھونڈ کہیں سے لائو
خوشبو سونگھے عرصہ گزرا
کوئی پھول پرانا لائو

شہر نہیں وہ شہر پرانا
گائوں بھی ہے بدلا بدلا
شہر کہاں وہ شہر پرانا
گائوں ڈھونڈ کہیں سے لائو

لوگ محبت کرنے والے
چاہت کا دم بھرنے والے
بات پرانی لوگ پرانے
بستی ایسی ڈھونڈ کہیں سے

لہجے سب کے بدلے بدلے
لیکن صادق ہم کب بدلے
اپنی ہے بس ایک ہی مشکل

کاش کہیں ہم بدلے ہوتے
پھر کب اتنے شکوے ہوتے

روز نہیں ایسے چل سکتا
خود بدلو یا یہ سب بدلو