اک بے نام سی کیفیت

دن بھی دیکھا ، رات بھی دیکھی
لہجے دیکھے ، بات بھی دیکھی
شام کو ہم نے یاد بھی دیکھی
جیت بھی دیکھی ، مات بھی دیکھی
دن کو ہم نے تارے دیکھے
لہجے تیرے سارے دیکھے

ہجر بھی دیکھا ، وصل بھی دیکھا
چاند بھی دیکھا ، بادل دیکھے

کیسے کیسے وہم تھے دل میں
ہنستے ہنستے رونے لگتے
روتے روتے ہنسنے لگتے
ایسے تُو نے پاگل دیکھے

عمر گزاری ہے تجھ بن میں
آج بھی زندہ ہوں تجھ بن میں
لیکن اپنا حال تو دیکھو
دن سویا سویا رہتا ہے
شب جاگی جاگی رہتی ہے