نہر کنارہ

نہر کنارے بیٹھا ہوں میں
بہتا پانی دیکھ رہا ہوں
اُجلا پانی ، تیز روانی
سُرسُر ، سُرسُر کرتا جائے
میٹھے میٹھے گیت سنائے
نہر کنارے بوٹے سارے
ناچیں ، گائیں ، جھومیں ، جھولیں

طوطا ، چڑیا ، بلبل ، مینا
رنگ برنگی بولی بولیں
یہ کیسا پیارا منظر ہے
شام اُداسی لے کر آئی
یہ منظر بھی اک منظر ہے
میرا دیکھا بھالا منظر
خوف کا ہے اک کالا منظر

شام کے جاتے ، رات کے ہوتے
سارے بوٹے سو جاتے ہیں
تو پھر چاند نکل آتا ہے
میں اُس سے باتیں کرتا ہوں
میں جتنی باتیں کرتا ہوں

میں تیری باتیں کرتا ہوں
یوں ہی رات گزر جاتی ہے
اور سویرا ہو جاتا ہے
میں شب بھر ہوں نہر کنارے
میں دن بھر ہوں نہر کنارے
نہر کنارہ دنیا میری