پتھّر۔۔۔؟؟

میں تم کو پتھر سمجھا تھا
تنہائی میں اک دن میں نے
تم کو پتھر کہہ ڈالا تھا
بات یہ میری سُن کر پتھر
بہت برا وہ مان گئے تھے

پھر میں سمجھا ، پھر میں جانا
نرم بھی ہوتے ہیں کچھ پتھر
کیا کیا بیج اگاتے ہیں وہ
اُن کو پیڑ بناتے ہیں وہ
اُن پر پھول سجاتے ہیں وہ
اُن کا درد بٹاتے ہیں وہ

پتھر کا بھی دل ہوتا ہے
اُس کو بھی سبزہ بھاتا ہے
اب میں سمجھا اب میں جانا
نہیں مناسب تم کو کہنا
نہیں مناسب پتھر کہنا
کاش کہ تُو بھی پتھر ہوتا