پچھلی رُت

پچھلی رُت کی بات نہ کر تُو
کچھ بھی نہیں ہے پہلے جیسا
تُو بھی نہیں ہے پہلے جیسا
میں بھی نہیں ہوں پہلے جیسا

ہر کونپل اک سوچ میں گم ہے
سوکھے پتّے دیکھ رہے ہیں
جب تُو مجھ کو چھوڑگیا تھا
پتّے سارے سوکھ گئے تھے
کیا غم تھا سب ٹوٹ گئے تھے

آنکھوں کا دریا جاری تھا
کس خواہش کا خون ہوا تھا
بلبل گانا بھول گئی تھی

پچھلی رُت کی بات نہ کر تُو
کچھ بھی نہیں ہے پہلے جیسا
پچھلی رُت میں ساتھ تھے دونوں
اب میں تنہا ، تُو بھی تنہا
پچھلی رُت کی بات نہ کر تُو
کچھ بھی نہیں ہے پہلے جیسا