نیلی چادر والی لڑکی

گہری نیلی چادر اندر
لپٹی لڑکی یاد ہے اب تک

اُس کی آنکھیں ، اُس کا چہرا
بھول نہیں سکتا میں ہرگز
اُس کی بھولی بھالی باتیں
دل کے اندر بند ہیں اب تک

کوئی اگر پوچھے ، وہ لمحے
حرف بہ حرف سنا سکتا ہوں
جتنے دن بھی ساتھ تھے بیتے
اک اک پل بتلا سکتا ہوں
پوری کہانی یاد ہے اب تک

گہری نیلی چادر اندر
لپٹی لڑکی یاد ہے اب تک
نیلی چادر ، بھولی صورت
نقش ہے دل میں یاد ہے اب تک

گہری نیلی چادر اندر
لپٹی لڑکی یاد ہے اب تک