پتھر کی دنیا

آج بھی دنیا پتھّر کی ہے
نہیں ہے بدلی ریت ہماری
کوئی بھی چیز نہیں ہے بدلی
پیار نہیں سمجھے گا کوئی
آ اِس پتھّر کی دنیا میں
میں بھی پتھّر ہو جاتا ہوں

تم بھی پتھّر کے ہو جائو
آ اِس پتھّر کی دنیا میں
ہم بھی پتھّر ہو جاتے ہیں

اب بھی دنیا پتھر کی ہے
اِس کی ہر شے پتھر کی ہے
چاند بھی پتھر تارے پتھر
چشمے پتھر دھارے پتھر
ریت رواج ہمارے پتھر
آ اِس پتھّر کی دنیا میں
ہم بھی پتھّر ہو جاتے ہیں
آ اِس پتھّر کی دنیا میں
ہم دونوں پتھّر ہو جائیں