معاشرتی رویوں کا شعری اظہار

تائب نظامی کا بچپن ہی سے حجرۂ صابری سے تعلق ہے۔ بنابریں میں ان کو اور ان کی شاعری کے مزاج کو بخوبی سمجھتا ہوں۔ ان کے عجز نے ان کی شخصیت اور سہل ممتنع میں شاعری نے ان کو ممتاز شعرا کی صف میں کھڑا کر دیا ہے۔
ان کی شاعری میں غمِ جاناں کے ساتھ ساتھ غمِ دوراں کا بھی بھرپور تذکرہ موجود ہے۔ خارجی اور داخلی جذبات و احساسات کو بھی بڑے خوب صورت انداز میں موضوعِ سخن بنایا گیا ہے۔
ایک شاعر کو معاشرے کے جن رویوں کا علم ہونا چاہیے اُن رویوں کا تائب نظامی کو بدرجہ احسن ادراک ہے۔ دعا گو ہوں کہ ان کا پہلا شعری مجموعہ ’’صبحِ قفس‘‘ مقبولِ خواص و عوام ہو۔ نمونے کے طور پر ان کا ایک شعر ملاحظہ ہو:
ہر صبح مری صبح قفس جیسی ہے تائب
ہر شام مری شامِ غریباں کی طرح

دیوان تنویر نوازش صابری
حجرہ صابری
تاندلیا نوالہ