1689956803051_56117795
Open/Free Access
33
نعت ِ رسولِ مقبول صلی اللہ علیہ وآلہٖ وسلم
جمال اُن کا جہاں کے جمال سے اعلیٰ
کمال اُن کا جہاں کے کمال سے اعلیٰ
مرے حضور کی کوئی مثال کیا دے گا
کہ یہ وہ ذات ہے جو ہے مثال سے اعلیٰ
درودِ پاک کو میں نے بنا لیا ہے ڈھال
ہے کوئی ڈھال بھلا میری ڈھال سے اعلیٰ
نماز کون پڑھے گا حسین سے افضل
اذان کون پڑھے گا بلال سے اعلیٰ
کہ میں نے عشقِ محمد کی اوڑھ لی ہے شال
دکھائے شال کوئی میری شال سے اعلیٰ
خدائے ارض و سما جس پہ خود درود پڑھے
تو کون ہو گا پھر اُس خوش خصال سے اعلیٰ
وہ ایک لمحہ جو گزرا کبھی مدینے میں
وہ ہے بہشت کے ہر ماہ و سال سے اعلیٰ
وہ خوش نصیب ! مدینے کی خاک جس کو ملی
کہ خاکِ شہرِ مدینہ ہے لعل سے اعلیٰ
میں وصف گلشنِ احمد کے کیا بیان کروں
ہر ایک ڈال ہے ہر ایک ڈال سے اعلیٰ
مرے حضور کی فرقت میں جو بھی اشک بہے
ہیں دو جہان کے مال و منال سے اعلیٰ
جہان بھر میں ہے تائبؔ فقط اُنھی کا در
عطا ہے جس کی ہمیشہ سوال سے اعلیٰ
ID | Chapters/Headings | Author(s) | Pages | Info |
ID | Chapters/Headings | Author(s) | Pages | Info |